Чавушоглунун Пакистандагы жолугушуулары

Тышкы иштер министри Мевлүт Чавушоглу Пакистанга жасаган расмий сапарынын алкагында Синд провинциясынын премьер-министри Мурад Али Шах менен жолугушту.

Чавушоглу Твиттер эсебинен Түркиянын Карачидеги Башкы консулдугунун имаратынын курулушуна көрсөткөн колдоосу үчүн Шахка ыраазычылык билдирди.

Чавушоглу: «Карачи - түрк инвестицияларынын кирүү эшиги. Биз экономикадагы тажрыйбабызды жеткирүүгө даярбыз», - деди.

Синд штатынын губернатору Имран Исмаил менен да жолукканын белгилеген Чавушоглу, Башкы консулдуктун имаратынын курулушуна көрсөткөн колдоосу үчүн ырахматын айтканын билдирип,«Түркиянын Маариф фонду Синд шаарындагы 6 мектепти ийгиликтүү башкарып, жаңы мектептерди ачууга даяр. Биздин билим берүү тармагындагы кызматташтыгыбыз улантылат»,- деди.

Синд шаарынын губернаторлугу тарабынан берилген жазуу түрүндөгү билдирүүдө соода, инвестиция, илим жана технология, билим берүү жана маданият жаатында өз ара кызматташуу талкууланганы белгиленди.