Коргоо өнөр жайы күчүн Азербайжанда көрсөтөт

Түрк коргонуу өнөр жайы Азербайжан эл аралык коргонуу жарманкесине 33 фирма менен катышат.

Азербайжандын коргоо министрлиги жана демилгелердин колдоосу менен бул жылы үчүнчүсү өткөрүлө турган ADEX Азербайжандын борбор шаары Бакуда эртең башталат жана 27 -  сентябрга чейин улантылат.

Эки жылда бир болгон жарманкенин биринчиси 2014 -  жылы өткөрүлдү. ADEX Түштүк Кавказия жана Орто Азия аймагынын негизги коргонуу жарманкесинин арасында орун алды. Жарманкеге Түркиянын атынан коргоо өнөр жай министрлигинин лидерлигинде коргоо өнөр жайынын экспортчулар биримдиги менен 33 коргоо өнөр жай фирмасы катышат.

Түркия мындан мурунку катышууга караганда 30 пайызга чоң жана 1659 метр квадраттык аянтты алат. Жарманке аянтынын жарымына жакынын камтый тургандай чоңдуктагы Түрк улуттук павилионунда AKSA Run Flat, Anova, ArgeRF, ASELSAN, AVS, BMC, DEARSAN, DESAN, DLG Tactical, Garanti Giyim, GİRSAN, HOYTEK, İŞBİR, Kale Kalıp, KAREL, MAKTEL, MANAS, MESAN, MILSOFT, MKEK, OTOKAR, ÖZTEK, ROKETSAN, RST, Simsoft, Коргонуу технологияларынын инженердик жана соода акционердик фирмасы, TAIS, TEK. MÜH, TİSAŞ, TRANSVARO, түрк авиация жана космостук өнөр жайы, UNIFO жана Йакупоглу фирмалары орун алат.

Жарманкеде түрк коргоо өнөр жай фирмалары тарабынан чыгарылган ок өткөрбөс унаа платформалары, учкучтуу  - учкучсуз унаа аппараттары, деңиз системалары, куралдуу системалар, электрондук системалар, ок  - дарылар, симмулятор, аскердик текстиль продукциялары, логистикалык колдоо продукциялары жана коргонуу кызматтары таанытылат.

Жарманкеде түрк расмий делегациясы үй ээси Азербайжан мекемелери жана катышуучу өлкөлөрдүн делегациялары менен сүйлөшүүлөрдү өткөрөт.