Ахыска түрктөрүнүн сүргүнү тууралуу...
Грузиянын Түркия чек арасында жайгашкан Ахыска 1828-1829-жылдардагы Осмон-Орус согушунан кийин кол коюлган келишим менен Орусияга калтырылгандан кийин Ахыска түрктөрүн падышалык Орусиянын эзүүсү жана куугунтугу СССР доорунда да уланган.
Адамзат тарыхында кара так болгон Ахыска сүргүнү 77 жыл болсо дагы унутулбай мурдагыдай эскерилип, жүрөктөрдү сыздатат...
Грузиянын Түркия чек арасында жайгашкан Ахыска 1828-1829-жылдардагы Осмон-Орус согушунан кийин кол коюлган келишим менен Орусияга калтырылгандан кийин Ахыска түрктөрүн падышалык Орусиянын эзүүсү жана куугунтугу СССР доорунда да уланган.
Аларга эми Грузияда түрк жана мусулман болуп жашоо кыйын эле.
2-Дүйнөлүк согуш учурунда Сталин башка бардык түрк жамааттары сыяктуу эле Ахыска түрктөрү үчүн сүргүн жарлыгына кол койгон.
200ден ашык айыл-кыштактарда жана шаарларда жашаган миндеген адамдар жүк жана мал вагондор менен ташылган. Буюм-тайымдарын өздөрү менен кошо алып кетүүгө уруксат берилбестен, жок кылынган.
Ахыскадан Орто Азиянын ар кайсы жерлерине 86 миңдей түрк сүргүнгө айдалган.
Вагондордо үстү-үстүнө тизилген ахыскалык түрктөрдүн бул татаал сапары бир айдан ашык убакытка созулду.
Саякат учурунда 17 миңге жакын Ахыска түрктөрү ачарчылыктан, сууктан жана оорудан каза болгон. Борбордук Азиянын ар кайсы аймактарында ачарчылык, эпидемия жана жугуштуу оорулардан улам 30 миң ахыскалык каза болду.
Бүгүнкү күндө 600 миңге жакын Ахыска түрктөрү ар кайсы өлкөлөрдө мекенин сагынып жашашат.
Сүргүндөгү Ахыска түрк үй-бүлөлөрүнүн 72си 5 жыл мурда президент Режеп Таййип Эрдогандын буйругу менен Украинадан Түркияга алынып келинип, Битлистин Ахлат районуна жайгаштырылды.
