Карабахтагы согушта Азербайжан армиясынын 2 миң 908 аскери шейит болду

Азербайжан армиясы Карабахта жерлерин басып алуудан куткаруу үчүн жүргүзгөн операцияда 2 миң 908 аскерин жоготту.

Азербайжандын Коргоо министрлиги, 2020-жылдын 27-сентябрында башталган жана 2020-жылдын 10-ноябрында Армениянын жеңилгенин моюнга алуу келишимине кол коюшу менен аяктаган согушта курман болгондор тууралуу маалыматты жаңылады.

Министрликтин маалыматына караганда, согушта 2 миң 908 жоокер шейит болуп, 6 жоокер дайынсыз болууда.

Бул операцияда 5 шаардын борбору, 4 кыштак жана 286 айыл бошотулган, андан кийин Армения жеңилүүнү кабыл алып оккупацияланган Агдам, Лачын жана Келбежар облустарын бошотуу убадасын берген келишимге кол койгон.

Армян армиясы 2020-жылдын 20-ноябрында Агдамдан, 2020-жылдын 25-ноябрында Келбежардан, 2020-жылдын 1-декабрында Лачинден чыгып кеткен.

Согушта Армениянын кол салуусунан 2 миң 908 шейиттен тышкары 94 карапайым азербайжандык да каза болгон.