Жапаров Түркиянын коргоо министрин кабыл алды

Улуттук коргоо министри Хулуси Акар Кыргызстандын президенти Садыр Жапаров менен жолугушту.

Акар Кыргызстандын коргоо министри Таалайбек Өмүралиевдин расмий чакыруусу менен барган борбор шаар Бишкекте жолугушууларды өткөрдү.

Министр Акар иш сапарынын алкагында Кыргызстандын президенти Жапаров тарабынан Президенттик аппаратта кабыл алынды.

Жолугушуунун жүрүшүндө Акардын Президенттердин төрагалыгы астында өткөн Түркия-Кыргызстан Жогорку Деңгээлдеги Стратегиялык Кызматташтык Кеңешинин жыйынынын эки тараптуу карым-катнаштарга күчтүү түрткү болгондугун жана келечекке багытталган жол картасын ачып бергендигин билдирип; ушул алкакта коргонуу, коопсуздук жана коргонуу өнөр жайы маселелери менен катар көптөгөн тармактарда кызматташтыкты тереңдетүү ниетин айткандыгы, ошондой эле Фетуллахчы террордук уюмга (ФЕТӨ) каршы күрөшүүдө кызматташуунун маанилүүлүгүн баса белгилегендиги белгилүү болду.

Акар иш сапарынын алкагында дүйнөгө белгилүү кыргыз жазуучусу жана дипломат Чыңгыз Айтматовдун музейине дагы барды.

Сапардын аягында музейдин ардак китебине кол койгон министр Акар Кыргызстандагы жолугушууларын аяктагандан кийин Тажикстанга жөнөп кетти.