Өзбекстан-Түркия биргелешкен машыгуусу аяктады
22-мартта башталган машыгуу эки өлкөнүн ортосундагы аскердик кызматташтык планынын алкагында уюштурулду.
Өзбекстан менен Түркиянын куралдуу күчтөрү биргелешип уюштурган машыгуу аяктады.
Өлкөдөгү жолугушууларын уланткан Башкы штабдын төрагасы генерал Яшар Гүлер машыгуунун акыркы күнүн Өзбекстандын Башкы штабынын башчысы генерал-майор Шухрат Халмухаммедов, Сурхандериянын губернатору Тура Боболов жана Коргоо министрлиги менен Башкы штабдын төрагалыгынын жооптуу кызматкерлери менен бирге көрдү.
Машыгуунун сценарийине ылайык, Өзбекстандын жана Түркиянын атайын күчтөрүнүн бөлүктөрү мамлекеттик чек араны бузуп өлкөгө мыйзамсыз кирген куралдуу топторду дрондор менен аныктап, аларды абадан жана кургактан кол салуу менен зыянсыздандырышты.
Машыгуунун алкагында эки өлкөнүн жоокерлери 15 чакырымдык атайын тактикалык коридордон өтүү, атайын атуу, жакын согушуу жана оор шарттарда жашоо боюнча биргелешкен машыгууларды өткөрүштү. Катышуучулар атайын тактикалык машыгуулардан тышкары биргелешкен спорттук мелдештерди да уюштурушту.
Аземдин аягында биргелешкен машыгууда ийгиликке жеткен өзбек жана түрк аскерлери сыйланышты.
22-мартта Өзбекстандын Ооганстан менен чектешкен Термез шаарындагы аскер полигонунда башталган машыгуу эки өлкөнүн ортосундагы аскердик кызматташтык планынын алкагында уюштурулду.
