Жан Пол Белмондо дүйнөдөн кайтты

Француз киносунун атактуу актёрлорунун бири Жан Пол Белмондо 88 жашында дүйнөдөн кайтты.

Жан Пол Белмондонун адвокаты Мишель Годест француз актёру борбор шаар Париждеги үйүндө каза болгонун жарыялады.

«Бебел» деген ат менен белгилүү болгон жана 60 жылдык карьерасына 80 тасманы сыйдырган актёр, акыркы 50 жылда тарткан тасмалары менен дүйнөлүк кинематографиянын тарыхында из калтырды.

Францияда маал-маалы менен спектаклдерге да катышкан Белмондо, өзгөчө 1970-80-жылдары тартылган экшн жана комедия тасмалары менен кино сүйүүчүлөрдүн сүймөнчүгүнө айланган.

Ален Делон менен бирге роль аткарган "Борсалино", "Flic ou voyou", "Le Marginal", "Le Cerveau", "L'as Des As" жана "Le Professionnel" тасмалары актёрду атактуулукка алып келген эң маанилүү фильмдердин бири.

Атактуу актёр 2001 -жылы мээсине кан куюлган, бирок спорттук өтмүшү жана туруктуу түзүлүшү менен башынан өткөргөн ыңгайсыздыкты жеңе алган.