Түркиянын чийки болот өндүрүшү өстү

Түркиянын чийки болот өндүрүшү октябрь айында өткөн жылдын тийиштүү мезгилине салыштырмалуу 8 пайыз өсүп 3,5 миллион тоннага жетти.

Баш кеңсеси Бельгиянын борбор шаары Брюсселде жайгашкан Дүйнөлүк Болот Ассоциациясы (Worldsteel), октябрь айындагы чийки болот өндүрүшүнүн маалыматтарын жарыялады.

Буга ылайык, дүйнөлүк чийки болот өндүрүшү октябрь айында 2020-жылдын ушул мезгилине салыштырмалуу 10,6 пайызга азайып, 145,7 миллион тоннага жеткен.

Аталган мезгилде Кытайдын өндүрүшү 23,3 пайызга азайып, 71,6 миллион тоннага түштү. Дүйнөнүн эң чоң болот өндүрүүчүсү Кытайдын өндүрүшү сентябрда 21,2 пайызга кыскарды.

Жапониянын өндүрүшү 14,3 пайызга өсүп 8,2 миллион тоннага, Америка Кошмо Штаттарынын (АКШ) өндүрүшү 20,5 пайызга өсүп 7,5 миллион тоннага жана Германиянын өндүрүшү 7 пайызга өсүп 3,7 миллион тоннага жетсе, Түштүк Кореянын өндүрүшү 1 пайызга азайып 5,8 миллион тоннага түшкөнү болжолдонду.

Түркиянын чийки болот өндүрүшү болсо октябрь айында өткөн жылдын тийиштүү мезгилине салыштырмалуу 8 пайыз өсүп 3,5 миллион тоннага жетти.