Путин: «Жер семирткичтердин жетишсиздиги, албетте, келерки жылдын түшүмүнүн келечегин азайтат»

Орусиянын президенти Владимир Путин Беларусь менен дүйнөлүк жер семирткич базарындагы кардарларынын бардык муктаждыктарын канааттандыруу үчүн аларга көз каранды болгон бардык чараларды көрүүгө макул экенин билдирди.

Путин Беларустун президенти Александр Лукашенко менен Санкт-Петербург шаарында жолугушту.

Путин жолугушуунун башталышында сөз сүйлөп, Орусия менен Беларустун дүйнөлүк рынокто жер семирткичтерди эң ​​көп жеткирүүчү өлкөлөр экенин эске салды.

Владимир Путин: «Жер семирткичтердин жетишсиздиги, албетте, келерки жылдын түшүмүнүн келечегин азайтат. Мунун баары абдан өкүнүчтүү. Биз жана сиз (Беларусь менен) биздин кардарлар менен керектөөчүлөрдүн суроо-талабын канааттандыруу үчүн бизден көз каранды болгон бардык чараларды көрүүгө макул болдук»,-деп айтты.

Орусия менен Беларустун эгин ташуу маселеси жок экенине көңүл бурган Путин Орусиянын өткөн жылы дүйнөлүк базарга 40 миллион тонна эгин жеткиргенин эске салып, келерки оруп-жыюу мезгилине чейин 50 миллион тоннадан ашуун эгин жеткирүүгө даяр болоорун айтты.

Ошондой эле Орусия менен Беларустун коопсуздугу боюнча да пикирин билдирген Путин: «Америка Кошмо Штаттарынын (АКШ) Европада 200 ядролук тактикалык ок-дарысы бар, анын басымдуу бөлүгү атомдук бомба. Бул 200 ок-дары НАТОго мүчө болгон Европанын 6 өлкөсүндө турат. Аларды колдонуу үчүн 257 учак даярдалды. Бул учактар ​​Американын гана эмес, мен айткан өлкөлөрдүн да учактары»,-деди.

Путин АКШ жана башка НАТО өлкөлөрүнүн чек араларына жакын жерде өзөктүк курал менен учуу машыгуулары үчүн жооп кайтаруунун зарылдыгы жок экенин айтып, Беларусь армиясындагы Су-25 учагын Орусияда модернизациялоону сунуштады.