Владимир Зеленский элге кайрылды
Владимир Зеленский Россиянын Харьковду кайрадан бомбалагандыгын белгилеп, кол салууда 9 кишинин каза болгондугун, 19 кишинин жаракат алгандыгын билдирди.
Украинанын президенти Владимир Зеленский Россиянын Харьковду кайрадан бомбалагандыгын белгилеп, кол салууда 9 кишинин каза болгондугун, 19 кишинин жаракат алгандыгын билдирди.
Владимир Зеленский күнүмдүк элге кайрылуу сөзүн сүйлөдү.
Россиянын Украинынын Харьков шаарын кайрадан бомбалагандыгын айткан Зеленский кол салуунун натыйжасында 9 жарандын каза болгондугун, 19 кишинин жаракат алгандыгын билдирди. Каза болгондордун арасында 5 айлык ымыркайдын жана атасынын да бар экендигин, энесинин абалынын оор экендигин белгилеген Зеленский жаракат алгандардын арасында да 9 жаштагы бир кыз баланын бар экендигин айтты.
Украинанын президенти : «(Орустар) Попаснаны, Бахмутту, Лиманды, Лысычанскты жана Северодонецкти Волноваха менен Мариуполь сыяктуу кыйратууну каалап жатат. Россияга кысым көрсөтүү түз мааниде адамдардын өмүрүн сактап калуу маселеси», - деди. Зеленский Латвия парламентине жана элине кайрылып, Украинанын коргонуусу менен бирге башка алган жардамы үчүн ыраазычылыгын билдирип : "Дүйнөдөгү ар бир адам эркиндигибизди коргоо үчүн Латвия жана башка өнөктөштөр сыяктуу чечкиндүү болсо, орус мамлекетинин Украинага, Европага жана дүйнөгө кылган эч бир жамандык болбос эле",- деди.
Нидерландиянын премьер-министри Марк Рютте менен телефон аркылуу сүйлөшкөнүн айткан украин лидери, согуш талаасындагы абал тууралуу маалымат бергенин жана Украинанын өзүн коргоо жана кол салууларды кайтаруу жөндөмдүүлүгүн кантип жакшыртыла аларын сүйлөшкөндүгүн белгиледи.