Украинанын ЕБне мүчөлүгү 15-20 жылга созулушу мүмкүн

Франциянын Европа иштери боюнча мамлекеттик министри Клемент Бон Украинанын Европа Биримдигине (ЕБ) мүчө болушу үчүн 15-20 жыл керек экенин айтты.

Бон Франциянын президенти Эммануэль Макрондун Украинаны Евробиримдикке тезирээк интеграциялоого жардам бере турган «Европалык саясий коомчулукту» түзүү сунушун кайталап:«Украиналыктарга эч кандай иллюзияны же калпты тартуулагым келбейт»,-деди.

Бир радио каналына билдирүү жасаган француз министри:«Биз чынчыл болушубуз керек. Эгер сиз Украина Европа Биримдигине (ЕБ) алты айдан кийин же бир-эки жылдан кийин кошулат десеңиз, калп айтасыз. Балким 15-20 жыл керек»,-деп айтты.

Президент Макрондун Европанын саясий коомчулугу үчүн демилгеси июнь айында Евробиримдиктин саммитинде талкууланат деп күтүлүүдө.