Omicron варианты үчүн вакцина сыноолору башталды
BioNTech/Pfizer билдирүү жасады.
Америкалык фармацевтикалык Pfizer компаниясы менен Германиянын BioNTech биотехнологиялык компаниясы коронавирустун (Ковид-19) Omicron варианты үчүн атайын вакцинанын сыноолорун баштады.
BioNTech/Pfizerдин билдирүүсүндө, 18 жаштан 55 жашка чейинки дени сак кишилерде Omicron спецификалык вакцина талапкеринин "коопсуздугуна, туруштук берүүсүнө жана иммуногендүүлүгүнө" баа берүү үчүн клиникалык сыноонун бүгүн башталганы айтылды.
Билдирүүдө көз караштары камтылган BioNTech компаниясынын башкы жетекчиси (CEO) жана негиздөөчүсү профессор Доктор Угур Шахин, Ковид-19 вакциналарынын Omicron вариантынан келип чыккан олуттуу ооруларга каршы күчтүү коргоону улантып жатканын айтты.
Компаниялардын мурда 2022-жылы 4 миллиард доза Ковид-19 вакцинасын чыгарууну пландаганы эске салынган билдирүүдө, Omicron варианты үчүн вакцина керек болсо мунун өзгөрүүсү күтүлбөй турганы белгиленди.
Клиникалык изилдөөгө 1420 адамдан турган тест тобунун катышары маалымдалды.
