ЙПГ/ПКК менен ДЕАШ террористтеринин абактын айланасындагы кагылышуулары уланууда
Хасекеде жикчил террордук уюм ЙПГ/ПКК менен абактан качкан террордук уюм ДЕАШ мүчөлөрүнүн ортосунда уланып жаткан кагылышуу 6-күнүнө кирди.
Сириянын түндүк-чыгышындагы Хасекеде жикчил террордук уюм ЙПГ/ПКК менен абактан качкан террордук уюм ДЕАШ мүчөлөрүнүн ортосунда уланып жаткан кагылышуу 6-күнүнө кирди.
Жергиликтүү булактардан алынган маалыматка караганда, АКШ колдогон ЙПГ/ПКК террористтери менен ДЕАШ мүчөлөрүнүн ортосунда Өнөр жай түрмөсү жайгашкан Гувейран районунда 20-январда башталган кагылышуулар уланууда.
ЙПГ/ПКК курчоого алган түрмөнүн айланасына кошумча террористтерди жөнөттү.
АКШ баштаган коалициялык күчтөрдүн согуштук учактары менен тик учактары да түн бир оокумда түрмөнүн айланасына чабуулдарын күчөтүштү.
ЙПГ/ПККга колдоо көрсөткөн АКШ күчтөрү да кечээ Сириянын Дейр эз-Зор аймагындагы Өмер мунай кениндеги базасынан Гүвейран районуна көп сандаган «Брэдли» үлгүсүндөгү брондолгон унаа жөнөттү.
Террордук уюм ЙПГ/ПКК көпчүлүгү ДЕАШка мүчө болгон кеминде 600 туткунду Камышлы районуна өткөрдү.
Маалымат булактары кагылышууда кеминде 30 ЙПГ/ПКК террористинин набыт болгонун белгиледи.
Террордук уюм ДЕАШтын медиа органы делген Амак да кагылышууларда ЙПГ/ПККнын кеминде 212 террористинин каза болгонун билдирди.
ЙПГ/ПКК болсо кагылышууда каза болгон террористтердин санын бөлүшпөй, качкан ДЕАШтын 300 мүчөсү багынып бергенин айтты.
ДЕАШ менен байланышы бар деп эсептелген куралдуу топ 20-январда Хасеканын түштүгүндө бир гана ДЕАШ террористтери кармалган Өнөр жай түрмөсүнө бомба жүктөлгөн унаа менен кол салган.
ЙПГ/ПКК террористтери сыяктуу көрүнгөн куралдуу топ абак дубалын бузуп кирип, ондогон ДЕАШтын мүчөсү качкан.
Өнөр жай абагында 54 өлкөдөн миңдеген ДЕАШ мүчөсү бар.
