Польша ыктымалдуу Орусия кол салуусу болсо Украинаны колдойт
Дуда Украинанын президенти Владимир Зеленский менен жума күнү Польшанын түштүгүндөгү Висла курорттук шаарында Украина менен Орусиянын ортосундагы чыңалуудан улам жолугушту.
Польшанын президенти Анджей Дуда Орусиянын ыктымал кол салуусу болгон учурда Украинаны колдой турганын билдирди.
Дуда Украинанын президенти Владимир Зеленский менен жума күнү Польшанын түштүгүндөгү Висла курорттук шаарында Украина менен Орусиянын ортосундагы чыңалуудан улам жолугушту.
Дуда жолугушууга байланыштуу билдирүүсүндө, Орусиянын ыктымал кол салуусунда Украинанын өлкөсүнүн колдоосуна ишене аларын жана Киевдин Европа менен интеграциясын толук колдой тургандарын айтты.
Дуданын тышкы саясат боюнча кеңешчиси Якуб Кумоч да:«Евро-атлантикалык шериктештик кеңеши агрессиянын ар кандай формасына, анын өлчөмүнө жана масштабына карабастан, каршы турууга милдеттүү»,-деп. билдирүү жасады.
Польшанын маалымат каражаттарында Польша менен Украинанын ортосунда атайын линия түзүлөөрү жана жакынкы бир нече жумада эки өлкөнүн вице-президенттеринин ортосунда дагы тыгыз сүйлөшүүлөр боло турганы жарыяланды.
Украинанын президенти Зеленский ошондой эле Твиттердеги баракчасында поляк элине жана президент Анджей Дудага Украинанын аймактык бүтүндүгүн, эгемендүүлүгүн жана Евроатлантикалык интеграциясын ар дайым колдогону үчүн ыраазычылык билдирди.
