Нигерияда куралдуу кол салуу болду

Нигериядагы куралдуу кол салууда 13 киши каза болду.

Нигер штатынын полициясынын басма сөз катчысы Васиу Абиодун билдиргендей, куралдуу кишилер штаттын Накундна айылында талаада иштеген дыйкандарга кол салышкан.

Абиодун кол салууда 13 кишинин каза болгонун, көп сандаган кишинин жараланганын белгиледи.

Жабыркагандардын ооруканага жеткирилгенин айткан Абиодун, аймакка коопсуздук күчтөрүнүн жиберилгенин жана иликтөө башталганын маалымдады.

Улуттук маалымат каражаттары кол салуудан 37 кишинин каза болгонун кабарлашты.