Евробиримдик ЖККУ аскерлерин жиберген Казакстандын эгемендигин урматтоону суранды
Евробиримдик комиссиясынын басма сөз катчысы Набила Массрали күнүмдүк маалымат жыйынында президент Касым Жомарт Токаевдин талабы боюнча Казакстандагы нааразылык акциялары жана ЖККУнун өлкөгө аскер жиберүүсү тууралуу суроого жооп берди.
Европа Биримдиги (ЕБ) Жамааттык Коопсуздук Келишим Уюмунун (ЖККУ) аскерлерин жиберген Казакстандын эгемендүүлүгүн жана көз карандысыздыгын сыйлоо керектигин билдирди.
Евробиримдик комиссиясынын басма сөз катчысы Набила Массрали күнүмдүк маалымат жыйынында президент Касым Жомарт Токаевдин талабы боюнча Казакстандагы нааразылык акциялары жана ЖККУнун өлкөгө аскер жиберүүсү тууралуу суроого жооп берди.
Казакстанда бардыгын сабырдуулукка чакырышкандарын жана маселелердин тынчтык жолу менен чечилишин каалашкандарын эске салган Массрали, демонстрацияларда жана талап-тоноо сыяктуу окуяларда зомбулуктун колдонулушун айыптагандарын айтты.
ЖККУнун аскерлерин жиберүүсүн «белгилеп коюшканын» билдирген Массрали: «Албетте, айтпаса да болбойт. Мындай демилге Казакстандын эгемендүүлүгүн жана көз карандысыздыгын урматтоосу керек»,-деди.
Казакстандын президенти Касым Жомарт Токаев өлкөдөгү кырдаалга байланыштуу алар мүчө болгон ЖККУ өлкөлөрүнүн лидерлеринен жардам сурады.
ЖККУ 2002-жылы Көз карандысыз Мамлекеттер Шериктештигине (КМШ) мүчө-өлкөлөр Орусия, Беларусь, Казакстан, Кыргызстан, Тажикстан жана Армения тарабынан өкмөттөр аралык аскердик альянс катары түзүлгөн.
Казакстандын батышында 2-январдан тарта газга болгон баанын көтөрүлүшүнө жана социалдык-экономикалык абалдын начарлашына байланыштуу нааразылык акциялары өлкөнүн башка аймактарына да жайылды.
Көчө окуяларына айланган демонстрацияларда коопсуздук күчтөрү менен демонстранттар ортосунда кагылышуу чыкты.
Полиция жана аскердик унааларды өрттөп, өкмөттүк имараттарга кирген демонстранттарга коопсуздук күчтөрү үн бомбалары менен кийлигишти.
Казакстандын президенти Касым Жомарт Токаев нааразылык акциялары үчүн күнөөлөнгөн өкмөттүн отставкасын кабыл алды.
Нааразылык акциялары жайылгандан кийин өзгөчө кырдаал алгач борбор калаа Нур-Султанда, Алматы шаарында жана Мангистау облустарында жарыяланды.
Андан кийин өзгөчө кырдаал чечими өлкөнүн бардык аймактарында күчүндө экени айтылды.
Казакстандын Ички иштер министрлиги өлкөдөгү кечээки нааразылык акцияларында коопсуздук күчтөрүнүн 8и каза болгонун билдирди.
Казакстандын Алматы шаарындагы окуяларда коомдук имараттарды басып алууга аракет кылган ондогон демонстранттардын өмүрү кыйылганы жарыяланды.
Тектеш кабарлар
Газада менингит жана гепатит жайыла баштады
Бул тууралуу Палестинанын Саламаттыкты сактоо министрлигинен жазуу түрүндөгү маалымат берилди.
