Израиль күчтөрү 43 палестиналыкты жаралады, Хамас каршылык көрсөттү

Палестиналык каршылык көрсөтүү кыймылы Хамас өзгөчө куралдуу каршылык көрсөтүү жөөт отурукташкандардын агрессиясын токтото алаарын жана тоскоол боло аларын жарыялады.

Хамастын башкаруучуларынан Абдулхаким Ханини Израиль аскерлеринин оккупацияланган Батыш Шериада жөөт отурукташкандардын жүрүшкө чыгуу чакырыктарына каршы чыккан палестиналыктарга кийлигишүүсү менен ондогон кишини жаралоосунан кийин жазуу түрүндөгү билдирүү жасады.

Ханини билдирүүсүндө, «Каршылык көрсөтүүнүн ар кандай түрү, өзгөчө куралдуу каршылык, отурукташкандарга тоскоол боло алат жана алардын агрессиясын токтото алат»,-деп айтты.

Ханини ошондой эле Иордан дарыясынын батыш жээгиндеги жана Кудстагы палестиналыктарды окуялар болгон Бурка шаарчасын колдоого жана жүктү жеңилдетүүгө чакырды.

2005-жылы эвакуацияланган Наблус шаарынын жанындагы Хомеш отурукташкан жерине жөөт көчмөндөрдүн кайра жүрүш жасоо чакырыктары болгондуктан Наблустун Бурка айылынын кире беришине көп сандаган палестиналык чогулуп, Израиль аскерлери палестиналыктарга чыныгы ок жана желим ок атып, көздөн жаш агызуучу газ бомбалары менен кийлигишкен.

Израиль аскерлеринин палестиналыктарга каршы кийлигишүүсүндө 8и чыныгы, 35и желим ок болгон 43 киши жараланды.

Палестинаны боштондукка чыгаруу уюмуна караштуу Бөлүү дубалы жана Жөөт конуштары менен күрөшүү кеңеши Фейсбук баракчасынан жөөт отурукташкандардын айтылган жүрүшүнүн жокко чыгарылганын жарыялады.