Байден ден соолугу жакшы болсо 2024-жылы кайрадан талапкер болот

Америка Кошмо Штаттарынын (АКШ) президенти Жо Байден ден соолугу жакшы болсо 2024-жылдагы президенттик шайлоо үчүн кайрадан талапкер болууну пландап жатканын билдирди.

Байден ABC телеканалына берген маегинде, кайрадан талапкер болууну ойлоп же ойлобогондугу жөнүндөгү суроого: «Мен тагдырды абдан сыйлаган адаммын. Тагдыр менин жашоомдо көп жолу көрүндү. Азыркыдай ошол кезде да ден соолугум жакшы болсо кайрадан талапкер болом»,- деп жооп берди.

Байден алып баруучу Дэвид Моирдин «АКШнын мурунку президенти Дональд Трамп менен кайрадан атаандашууну каалайсызбы же жокпу» деген суроосуна болсо: «Эгерде Трамп талапкерлигин көрсөтсө, эмне үчүн ага каршы ат салышпашым керек. Бул жарыштын күтүүсүн арттырат»-деп жооп берди.

Ак үй буга чейин да 2024-жылы 81 жашка чыга турган Байдендин кайрадан президенттикке ат салышууга ниеттенип жатканын билдирген болчу.