Саакашвили аскердик госпиталга которулду

1 - октябрда  Грузияда кармалган  мурунку президент Михаил Саакашвили борбор Тбилисидеги абак ооруканасынан жабдылган аскердик госпиталга которулду.

Саакашвилинин адвокаттарынын бири Ника Гварамиянын билдиришинче,  Гдани районундагы 18 - абактын ооруканасында кармалган жана  18 - ноябрда эс-учун жоготкон Саакашвили түн жарымда Гори шаарындагы аскердик госпиталга которулду.

Гварамия кечээ билдирген маалыматында Саакашвилинин Горидеги ооруканага жаткырыла турган болсо  1 -  октябрда камакка алынган  50 күндөн бери  улантып келе жаткан ачкачылыкты акырына чыгарарын жарыялаган.

Саакашвилиге колдоо көрсөтүү үчүн ачкачылыкты улантып жаткан оппозициячыл депутат жана грузин опера өнөрпозу Паата Бурчуладзе да ачкачылыкты токтотту.

8 жылдан кийин 1 - октябрда өлкөсүнө кайтып келген Саакашвили сыртынан абак жазасына тартылгандыктан  камакка алынып, Рустави шаарындагы түрмөгө жеткирилген.

2007 - жылы Грузия прокуратурасы оппозициянын митингин таркатып, Имеди телеканалынын негиздөөчүсү Бадри Патаркачишвилинин мүлкүн конфискациялоо, коррупция, кызмат абалынан кыянаттык менен пайдалануу жана депутатты сабаган деп айыпталган Саакашвилини камакка алуу чечимин чыгарган.

Тбилиси шаардык соту Саакашвилиге бир кылмыш ишинде ырайымдуулук укугун кыянаттыкка колдонгондугу жана депутат Валерий Гелашвилини  сабаткан деген негиз менен сыртынан 6 жыл эркинен ажыраткан.