Индияда сел жүрдү

Индиянын түштүгүндөгү Андхра - Прадеш штатында нөшөрлөп жааган жамгырдан улам сел жүрүп, имарат кулап, кеминде 17 адам каза болду.

Штатта 18 - ноябрдан бери жааган жамгырдын кеминде 5 hfqjylj  суу ташкынына алып келгени кабарланды.

Полиция кызматкерлери берген билдирүүдө бир имараттын кулашынан кеминде 17 кишинин каза болгону, 2 кишинин е дайынсыз экендиги маалымдалды.

Ошондой эле урандылардын астында калган 10 адамдын куткарылгандыгы билдирилди. 

Кечээ таңкы сааттарда селге кабылган автобуста ондогон кишинин каза болгону, топтордун издөө - куткаруу иштерин улантканы белгиленген.

Жетекчилер нөшөрлөп жааган жамгырдан эң көп жабыркаган Кадапа шаарында жергиликтүү аэропорттун 25 - ноябрга чейин жабык болорун билдиришти. 

Селден улам жүздөгөн айыл жабыркап, көптөгөн тургундардын үйлөрүнөн чыга албай калгандыгы кабарланды.