Ливанда калктын 74 пайызы жакырдыкта

Бул жылы Ливандын калкынын 74 пайызы жакырдыктын кыйынчылыгын тартты.

Борбору Ливандын борбор шаары болгон Бейруттагы БУУнун Батыш Азия Экономикалык жана Социалдык Комиссиясы экономикалык кризистин чеңгелиндеги өлкө тууралуу «Ливанда көп тараптуу жакырдык: ачуу чындык жана белгисиз күтүүлөр» деген темада изилдөө отчетун жарыялады.

Отчетто 2021 -  жылы Ливан калкынын 74 пайызынын жакырдыктан кыйналгандыгы белгиленип,  бул катнаштын  өткөн жылы 55 пайыз, 2019 -  жылы 28 пайыз болгондугу эске салынды.

Өлкөдө медициналык жардам ала албаган үй  -  бүлөлөрдүн 33 пайызга жогорулагандыгы жана дары  - дармек боюнча кыйынчылык тарткандардын 50 пайыздан жогору экендиги билдирилген отчетко караганда көп тараптуу жакырдык да элдин 34 пайызына таасир тийгизүүдө.

БУУнун Батыш Азия Экономикалык Комиссиясы социалдык коргоо үчүн дагы таасирдүү план түзүп, жумушсуздук менен жакырдыктын алдын тосууга чакырды.

Түрдүү дин жана секталарга таянган саясий бөлүнүүлөргө жакын Ливан экономикасы 1975 – 1990 -  жылдардагы жарандык согуштан бери эң чоң кризисти жашап жатат.