Кеннет Маккензи Түркия тууралуу билдирүү жасады

Америка Кошмо Штаттарынын (АКШ) Борбордук күчтөрүнүн (CENTCOM) командачысы генерал Кеннет Маккензи, НАТОнун саммитинде президент Режеп Таййип Эрдоган менен АКШнын президенти Жо Байдендин ортосунда өткөрүлүшү пландалган жолугушуунун эки өлкөнүн ортосундагы мамилелердин келечеги үчүн оң болорун айтты.

Маккензи Вашингтондогу American Enterprise Institute (AEI) аттуу мекемеде Жакынкы Чыгыштагы окуяларга баа берди.

Түркиянын аймакта өзгөчө Ливия менен Сирияда аскердик мүмкүнчүлүктөрүн жогорулатышы АКШ үчүн аймактык динамикага таасир этеби деген суроого Маккензи: «Биринчиден Түркия көптөн бери НАТОдогу маанилүү өнөктөшүбүз. Түркия менен 5-беренеге (НАТО келишимине) негизделген мамилебиз бар» деп жооп берди.

Маккензи Түркиянын Ирак жана Сирия боюнча коопсуздук тынчсызданууларынын бар экенин жана муну түшүнүп жатышканын белгилеп: «Биз Түркия менен жасаганга аракет кылган нерсе – макулдашуу түзүлө турган тармактарды көбөйтүү. Пикир келишпестиктер болсо дагы, дос бойдон калсаңыз болот. Түркия менен пикир келишпестиктер болгон тармактар бар, бирок эки президенттин НАТОдо жолугуша турганы жакшы жышана. Мунун келечек үчүн абдан пайдалуу болоорун ойлоп жатат» деп сереп салды.