Пакистан Түркияга D-8деги лидерлиги үчүн ыраазычылыгын билдирди

Пакистандын тышкы иштер министри Шах Махмуд Курейши, Түркияга, Өнүгүп келе жаткан Сегиз Өлкө (D-8) Уюмунун төрагалыгы убагында көрсөткөн натыйжалуу лидерлиги үчүн ыраазычылык билдирди.

Курейши, Бангладештин кожоюндугунда өткөрүлгөн D-8дин 10-саммит жолугушуусунун алкагында онлайн режиминде болгон D-8дин Тышкы иштер министрлеринин жыйналышында сөз сүйлөдү.

Курейши, Түркиянын D-8 төрагалыгында натыйжалуу лидерликти камсыз кылгандыгы үчүн Анкара өкмөтүнө ыраазычылыгын билдирип, төрагалык милдетти өткөрүп ала турган Бангладешке ийгилик каалады.

Күчтүү өнөктөштүк жана өз ара пайдалуу кызматташуу үчүн ар кандай шаймандарды жана келишимдерди толугу менен ишке ашыруу, ишкерлерге мүмкүнчүлүктөрдү түзүү жана жеке секторду активдештирүү керектигин белгилеген Курейши, анын өлкөсү D-8дин бекемделишине ар дайым өз салымын кошуп келе жаткандыгына көңүл бурду.

Курейши, Пакистандын D-8дин көз карашына жана максаттарына берилгендигин кайталап, азыркы кылым өтө санариптештирилген, бирок тең эмес дүйнө деп айтты.

Жаңы түрдөгү коронавирустун (Ковид-19) бул айырмачылыктарды ого бетер айгинелегенине көңүл бурган Курейши, өнүгүп келе жаткан өлкөлөрдүн көпчүлүгүнүн глобалдык экономикага, глобалдык камсыздоо тармактарына жана билим берүү жана маданият дүйнөсүнө өтө төмөн интеграциялангандыгын белгилеп өттү.