Борис Жонсон Oxford-AstraZeneca вакцинасын алды
Британияда биринчи доза вакцинасын алгандардын саны 26 миллион 250 000ден ашты.
Британиянын премьер - министри Борис Жонсон кээ бир Европа өлкөлөрү колдонууну токтоткон Oxford-AstraZenecaнын Ковид - 19 вакцинасын алды.
56 жаштагы Жонсонго вакцинанын биринчи дозасы өткөн жылы апрель айында коронавирус жуктургандан кийин реанимацияда дарыланган борбор шаар Лондондогу Саинт Томас ооруканасында берилген. Ооруканадан чыкканда журналисттерге маалымат берген премьер - министр : «Эч нерсе сезген жокмун, ошондуктан абдан мыкты жана абдан ылдам болду»,- деди.
Чакырылгандардын баарынын вакцина алышын каалаган британиялык премьер - министр : «Сиздер үчүн, үй - бүлөңүздөр жана башка баары үчүн эң мыктысы бул. Бир гана мени укпаңыздар, окумуштууларды угуңуздар. Европа Биримдиги дары - дармек агенттигин угуңуздар. Британиянын дары-дармектер жана саламаттыкты сактоо өнүмдөрүн көзөмөлдөөчү органынын айткандарын угуңуздар»,- деди.
Ошол эле учурда Британияда биринчи доза вакцинасын алгандардын саны 26 миллион 250 000ден ашып, Ковид - 19 дан каза болгондордун санында төмөндөө болууда.
Ковид - 19га каршы иштеп чыгарылган Oxford-AstraZenecа айрым өлкөлөрдө кандын уюп калышына жол ачып жана тамырлардын окклюзиясы менен өпкө эмболиясы сыяктуу абалдарга себеп болушу мүмкүн деген шектенүү менен убактылуу токтотулган болчу.
ДСУ Европа Биримдиги дары - дармек агенттиги жана Британия дары – дармек жана саламаттык сактоо продукцияларын жөнгө салуу агенттиги вакцинанын пайдаларына караганда коркунучунун дагы көп экендигин белгилеген.
Тектеш кабарлар
"Вампир" өлүмчүл бактериялары
Өлүмчүл бактериялардын адамдын каны менен азыктанат деген тыянак чыгарылды.