Испанияда демонстрациялар башталгандан бери 6 күн өттү

Каталониядагы 6-күнүн аяктаган рэп артисти Пабло Хаселди колдогон демонстрацияларда 107 адам кармалды, 82 адам жаракат алды.

Испанияда акыркы түрмөгө кесилгендигине байланыштуу 16-февралда полиция тарабынан камакка алынган рэп ырчысы Пабло Хаселдин бошотулушун талап кылган жана вандализмге айланган демонстрациялар башталгандан бери 6-күн өттү.

Каталониянын Барселона, Жирона жана Ллейда сыяктуу ири шаарларында топтолгон демонстрациялар бүгүн Баск аймагынын айрым шаарларында уюштурулду.

Ушул убакка чейин зордук-зомбулук аракеттери көп катталган Барселонада болгон окуялар кечээ кечинде да уланды.

Ашынган солчул топтор менен байланышкан демонстранттар шаардын борборундагы айрым дүкөндөргө таш ыргытышып, терезелерин сындырып, көчөлөрдөгү таштанды челектерин жана баррикадаларды өрттөп, бөтөлкөлөрдү ыргытып полиция бөлүмүнө кол салышты.

Кеңири коопсуздук чараларын көргөн полиция дүкөндөрдү тоногон 5 адамды кошкондо 6 адамды кармады.

Полиция булактары тарабынан Испаниянын басма сөзүнө берилген билдирүүдө, Каталониядагы демонстрациялардын 6 күндүк балансында 82 адам жаракат алып, 107 адам кармалганы кабарланды.

Кармалгандардын басымдуу көпчүлүгү аларды алып барган сотто бошотулган.

Экинчи жагынан, Билбао шаарында экологияга зыян келтирилгендиги жана полицияга кол салгандыгы үчүн 1 адам кармалганы бөлүшүлдү.

Твиттерде жана ырларында колдонгон айрым сөздөрү үчүн терроризмди даңазалагандыгы, Падышага жана мамлекеттик мекемелерге акаарат келтиргендиги үчүн 9 айга эркинен ажыратылган Хасел 16-февралда полиция тарабынан камакка алынып, абакка отургузулган.

Бир сот жараянында күбөнү коркутту деген башка айып менен Хасел 2,5 жылга эркинен ажыратылды.