Индонезиядагы жер көчкүнүн кесепети

Индонезияда 14-февралда катуу жааган жамгырдын кесепетинен болгон жер көчкүдөн каза тапкандардын саны 18ге жетти.

Нгетос айылындагы жер көчкүдө, дайынсыз жоголгондорду издөө-куткаруу иштеринде дагы 6 адамдын жансыз денеси табылды.

Жетекчилер каза тапкандардын саны 18ге жеткен жер көчкүдөн дагы деле дайынсыз болгон 1 адамды издөө иштеринин уланып жаткандыгын билдиришти.

21 киши жер астында калган окуяда ушул кезге чейин 2 адам тирүү куткарылды.