Ердоған Салман Әл Саудпен сөйлесті

Президент Режеп Тайып Ердоған кеше Сауд Арабиясы Корольдігінің Тақ мұрагері ханзада Мұхаммед бен Салман Әл Саудпен телефон арқылы сөйлесті.

Президент аппараты жанындағы Коммуникация басқармасынан жасалған мәлімдемеге қарағанда әңгімеде Түркия мен Сауд Арабиясы арасындағы екіжақты қарым-қатынастар, жаһандық және аймақтық мәселелер талқыланды.

Әңгіме барасында  Ердоған Израильдің Палестинаға қарсы шабуылдарын тезірек тоқтату және Біріккен Ұлттар Ұйымы Қауіпсіздік Кеңесінің атысты тоқтату шешімін орындау үшін көбірек талпыныс жасап, ислам әлемінің бірлік көрсетуі керектігін білдірді.

Президент Ердоған әңгімеде Сауд Арабиясының мұрагер ханзадасын Ораза айт мерекесімен де құттықтады.