Бір аптада 38 террорист залалсыздандырылды
1 қаңтардан бері залалсыздандырылған террорист саны 646-ға жетті.
Ирак пен Сирияның солтүстігінде жүргізілген операцияларда соңғы бір аптада 38 террорист залалсыздандырылды.
Ұлттық қорғаныс министрлігінің баспасөз брифингінде Түрік Қарулы Күштерінің террормен күресінің табандылықпен жалғасып жатқаны хабарланды.
Соңғы аптада PKK/KCK/PYD-YPG, ДАИШ және FETÖ сияқты барлық террор ұйымдарына қарсы жүргізілген операциялармен Ирак пен Сирияның солтүстігінде 38 террористтің залалсыздандырылғаны айтылды.
1 қаңтардан бері залалсыздандырылған террорист санының 646-ға жеткені, сондай-ақ оның 268-і Ирактың солтүстігінде, 378-і Сирияның солтүстігінде екені атап өтілді.
Осы аптада Ирактың солтүстігіндегі паналау өңірінен қашқан тағы бір PKK террористінің Хабурдағы шекара бекетіне берілгені хабарланды.
Ұқсас жаңалықтар
Түркия мен Румыния арасындағы қарым-қатынас дамуда
Джевдет Йылмаз Түркияның Қаратеңіз қауіпсіздігі үшін Румыниямен бірге жұмыс істеп жатқанын айтты.