Ердоғанның Анталиядағы кездесулері жалғасуда

Президент Режеп Тайып Ердоған 3-ші Анталия дипломатиялық форумына қатысу үшін Түркияға келген Джибути президенті Исмаил Өмер Гулле және  Эсватини королі III. Мсватимен кездесулер өткізді.

Президент Ердоған Анталияда Венгрия премьер-министрі Виктор Орбанды да қабылдады.

Кездесуде Түркия-Венгрия қарым-қатынастары, Израильдің Палестина халқына қарсы шабуылдары, Украина-Ресей соғысындағы соңғы жағдай, Түркия-Еуропа Одағы қарым-қатынастары және НАТО-ның кеңею үдерісі талқыланды.

Ердоған Түркия мен Венгрия арасындағы жақсы қарым-қатынастардың экономикадан қорғаныс өнеркәсібіне, энергетикадан көлікке дейін көптеген салада арта беретінін айтты.

Президент Ердоған Израильдің халықаралық құқық пен адам құқықтарын елемеу арқылы жасаған геноцид әрекетіне тосқауыл қоюдың барлық елдердің міндеті екенін және Израиль тарапынан қырғынға ұшыраған  бейкүнә Палестина халқының айқайын елеусіз қалдырмау керектігін білдірді.

Ердоған Түркияның қақтығыстың барлық аймағында бейбітшілікті жақтайтынын және бұл үшін күшті қадамдардың басылатынын  айтты.

Президент Ердоған Ирак Күрд аймақтық әкімшілігінің төрағасы Нечирван Барзаниді де қабылдады.

Ердоған Түрікменстан Ұлттық Кеңесінің Мәслихат төрағасы Құрбанқұлы Бердімұхамедовпен кездесті.

Кездесуде Түркия мен Түрікменстан арасындағы екіжақты қарым-қатынастар, аймақтық және жаһандық мәселелер, Израильдің жазықсыз бейбіт тұрғындарға жүйелі шабуылдары талқыланды.