Алтун ИЫҰ жиналысы аясында өзара кездесулер өткізді
Ислам Ынтымақтастық Ұйымы (ИЫҰ) Ақпарат министрлерінің кезектен тыс жиналысы Стамбулда өтті.
Президенттік аппараттың Коммуникация басқармасы төрағасы Фахреттин Алтун Ислам Ынтымақтастық Ұйымына (ИЫҰ) мүше елдердің Ақпарат министрлерінің кезектен тыс жиналысы аясында өзара кездесулер өткізді.
Алтун Түркияның Стамбул қаласында өткен жиын аясында Бангладеш Ақпарат және баспа министрі Мұхаммед Али Арафат, Гвинея-Бисау Әлеуметтік байланыс министрі Мария де Консисао Эвора, Иран Ислам Республикасы Мәдениет және исламдық бағдар министрі Мұхаммед Мехди Исмаили, Солтүстік Кипр Түрік Республикасының Сыртқы істер министрі Тахсин Эртуғрулоғлу Нигердің Байланыс, пошта қызметі және цифрлық экономика министрі Ралиу Сиди Мохамед және Сомали Ақпарат, мәдениет және туризм министрі Дауд Авейс Джамамен кездесті.
Кездесулерде Израильдің 7 қазан күнінен бері Газа секторына жасаған шабуылдары мен әлем жұртшылығын адастыратын, жалған ақпарат және жалған хабар тарату жұмыстары талқыланды.
Израильдің шабуылдары мен қысымдары нәтижесінде бейбіт тұрғындармен қатар 130 журналистің де қаза тапқанын атап көрсеткен Алтун Израильдің қырғындар жасап жатқанын, халықаралық қоғамның наразылығын азайту және қылмыстарын жасыру үшін халықаралық және әлеуметтік желіні пайдаланғанын білдірді.
Мұның жалған хабар тарату, негізсіз ақпарат және әлеуметтік желіде дезинформацияланған мазмұнмен жасалғанына назар аударған Алтун Коммуникация басқармасы ретінде Израильдің қылмысын жасыру үшін айтқан өтіріктерді алғаш күнінен бастап бір-бірлеп анықтап, әшкерелегендерін мәлімдеді.
Израильдің жалғандарын әшкерелеудің жасаған қылмыстарын да әшкерелеу деген мағынаға келетінін атап көрсеткен Алтун Президент Режеп Тайып Ердоғанның басшылығында дипломатиядан бастап, Израильге қарсы қолдағы құралдарды барынша пайдаланғандарын еске салды.
Алтун Израиль таратқан жалған ақпаратпен күрес және Палестинаның әділ күресін қолдау үшін ынтымақтастыққа шақырды.
