ЕО Түркиямен қарым-қатынастарды күшейтпек
Жозеп Боррель «Барлық мүше мемлекеттер Түркиямен жақынырақ қарым-қатынас орнатуға келісіп отыр» деді.
Еуропа Одағы (ЕО) Түркиямен ынтымақтастықты тереңдетіп, келіспеушіліктерді қысқа мерзімде шешуді мақсат еткенін жариялады.
Еуроодақ елдерінің сыртқы істер министрлері Еуроодақ мерзіміне төрағалық ететін Бельгияның астанасы Брюссельде бейресми кездесуде бас қосты.
Күн тәртібіндегі мәселелердің бірі Түркиямен қарым-қатынас болған кездесу соңында Еуропа Одағы сыртқы істер және қауіпсіздік саясаты жөніндегі жоғарғы өкілі Жозеп Боррель мен Бельгия Сыртқы істер министрі Хаджа Лахбиб баспасөзге ортақ мәлімдеме жасады.
Боррель «Барлық мүше мемлекеттер Түркиямен жақынырақ қарым-қатынас орнатуға келісіп отыр» деді.
ЕО жоғары өкілі Боррель сөзін былай жалғастырды: «Қақтығыстарды болдырмау және ынтымақтастықты арттыру үшін Кипр мәселесін ескере отырып, Түркиямен байланыс орнатуымыз керек. Біз Түркиямен көбірек қарым-қатынас жасауымыз және мүдделеріміз тоғысатын салаларда жұмыс істегеніміз жөн».
Бельгия Сыртқы істер министрі Лахбиб де «Түркия жаһандық сахнада барған сайын маңызды стратегиялық серіктеске айналуда» деді.
Ұқсас жаңалықтар
Газада 35 мың 647 адам қаза тапты
Израиль армиясының Газа секторына жасаған шабуылдарында қаза тапқандар саны 35 мың 647-ге артты.
Нуман Куртулмуш черкестердің қуғынға ұшырауына байланысты мәлімдеме жасады
Нуман Куртулмуш черкестердің қуғынға ұшырауының 160 жылдығына орай еске алу хабарлама жариялады.