ТИКА Гамбияда қатерлі ісік скринингі және диагностикалау зертханасын құрды

TИKA-ның Гамбиядағы денсаулық сақтау қызметтерін қолдау және дамыту әрекеті аясында Канифинг аймағындағы Бундунг ана мен бала ауруханасына жатыр ісігінің ерте диагностикасына көмектесетін медициналық құрал-жабдықтар жеткізілді.

Ауруханада құрылған зертхананың ашылуына Түркияның Гамбиядағы өкілетті және төтенше елшісі Толга Бермек, Гамбия Денсаулық сақтау министрлігінің кеңесшісі Омар Джях, аурухана қызметкерлері және көптеген қонақтар қатысты.

Елші Бермек ТИКА-ның Гамбияда 5 жылдан бері әртүрлі секторларда жұмыс істеп жатқанын айтып, бұл жобаның адамға бағытталған және өмірді құтқаратын жобаның үлгісі екенін айтты.

Гамбия Денсаулық сақтау министрлігінің кеңесшісі Джях елдегі қатерлі ісік аурулары арасында жатыр ісігінің деңгейі 32 пайызды құрайтынын атап өтті.