Хакан Фидан Газадағы соғысқа тоқталды

Сыртқы істер министрі Хакан Фидан Қызыл теңіз, Сирия және Ирактағы оқиғалардың Газадағы соғыс спиральының бірте-бірте үлкен құйынға айналатынының хабаршысы екенін айтты.

Хакан Фидан министрлікте Хорватия Сыртқы және Еуропа істері министрі Гордан Грилич Радманмен кездесуінен кейін ұйымдастырылған ортақ баспасөз мәслихатында сөз сөйледі.

Министр Фидан Газада 24 мыңнан астам палестиналықтың қырғынға ұшырағанын және мұның халықаралық қауымдастықтың көз алдында болғанын еске салды.

Процестің басында «не үлкен соғыс болады, немесе одан да үлкен бейбітшілік болады» деген  Фидан кейбір елдердің мұны соғыс ортасына түсіруден тартынбағанын, сонымен бірге Түркияның және басқа достардың бейбітшілік үшін қатты атсалысқандарын айтты.

Фидан «Біз екі ел, яғни палестиналықтар мен израильдіктер үшін бірдей қауіпсіздік пен тең егемендіктің қажет екенін бірнеше рет мәлімдедік» деді.

Соғысқа байланысты үлкен тәуекелдер бар екеніне назар аударған Фидан: «Газадағы қырғын жалғасып жатқанда, біз аймақтық таралу қаупін жиі білдірдік. Барлығы аймақтық таралу Ливанда басталады деп күткен кезде, бұл оқиға басқа жерлерде басталды. Қазіргі уақытта Қызыл теңізде, Иракта және Сирияда оқиғалар болды.  Мұндай оқиғалардың Газадағы соғыс спиральының бірте-бірте үлкен құйынға айналатынының хабаршысы екенін байқаудамыз. Біз бейбітшілік жолындағы жұмысымызды жалғастырамыз. Біз Израильдің жасаған қырғындарына саяси және сот жағынан қажетті жазасын алуы үшін бар күшімізді саламыз» деді.