Министр Фидан Эртуғрулоғлун "Республика күнімен" құттықтады
Министр Хакан Фидан "Республика күні мерекесіне" орай СКТР Сыртқы істер министрі Тахсин Эртуғрулоғлуна құттықтау жолдады.
Сыртқы істер министрі Хакан Фидан Солтүстік Кипр Түрік Республикасының (СКТР) 40 жылдығы және Республика күні мерекесіне орай СКТР Сыртқы істер министрі Тахсин Эртуғрулоғлуна құттықтау жолдады.
Фидан әріптесі Эртуғрулоғлуна жолдаған құттықтауында Кипр түріктерінің теңдік пен бостандық күресінің ең мағыналы көрінісі болып табылатын СКТР-ның 40 жылдығына орай елдегі құлшыныс пен қуанышқа шын жүректен қосылғанын атап, «Солтүстік Кипр Түрік Республикасының құрылған күнінен бастап жетістіктері – ұлтымыздың мақтанышы. Бейбітшілік пен шешімге деген күш-жігерін дәлелдеген кипрлік түріктерге жасалған заңсыздық пен шектеулерге қарамастан егемендіктерінен бас тартпайтынын әрдайым көрсетуі әділ күресімізде күшімізге күш қосады» деді.
Министр Фидан Түркияның СКТР-ның халықаралық қауымдастық тарапынан мойындалуын әрқашан өзінің парызы қабылдағанын атап, СКТР-ның халықаралық аренада лайықты орнын алуы үшін пидақорлықтан бас тартпайтынын баса айтты.
Түркияның Кипр түрік халқының халқы мен құқығын қорғау бағытында мықты қадамдар басуға дайын екеніне назар аударған Фидан «Осы сезім және ойлармен сіз және бауырлас Кипр түрік халқын шын жүректен «15 қараша Республика күні» мерекесімен құттықтаймын. Кипр үшін шейіт болу мәртебесіне жеткен батырларымыздан бастап, барлық шейіттерімізді құрметпен еске аламын» деді.
