Анытқабір азаматтарға толды

Ұлы көшбасшы Мұстафа Кемал Ататүріктің дүниеден озуының 85 жылдығына орай көптеген азамат Анытқабірге келді.

10 қараша күні президент Режеп Тайып Ердоғанның төрағалығымен мәртебелі тұлғалар қатысқан салтанатты рәсімнен кейін Анкарада Ататүріктің мүрдесі орналасқан Анытқабір зияратшыларға ашылды.

Түркияның түкпір-түкпірінен келген азаматтар Ататүріктің кесенесін зиярат етіп, дұға бағыштап, бір минут үнсіз еске алды.

Әскерлердің салтанатты рәсімі келушілердің назарын қатты аударды.

Келушілер Ататүріктің таспаға жазылған «Республиканың 10 жылдығына арналған үндеуін» тамашалауға мүмкіндік тапты.