Челик босқын лагеріне шабуылды "қырғын" деп атады

Әділет және даму партиясы төрағасының орынбасары, партия баспасөз хатшысы Өмер Челик Израильдің Газадағы Жабалия босқындар лагеріне жасаған шабуылын «жоспарланған қырғын» деп атады.

Челик әлеуметтік желідегі аккаунтынан жасаған хабарламасында Израильдің бейбіт тұрғындар мен жазықсыз адамдар тұратын Жабалия босқындар лагеріне жасаған аяусыз шабуылын айыптағандарын білдірді.

Ең негізгі адами құндылықтары мен халықаралық құқықты ескермейтін бұл қатыгез шабуылдың жоспарланған қырғын екенін атап көрсеткен Челик «Израиль армиясына қызыл сызықтарымызды білдірмейміз» деген мемлекеттер де бұл қырғынды ынталандыруда. Израильдің өзін-өзі қорғау құқығы туралы сөз қозғайтын мемлекеттердің Газадағы әйелдер мен балалардың өмір сүру құқығы туралы үнсіз қалуы адамзат үшін ұят. «Біз атысты тоқтатуды ұсынбаймыз» деп Израильге көбірек қару жібергендер қырғын саясатын ұстануда» деді.

Израильдің кеше Газа секторындағы Жабалия босқындар лагеріне жасаған әуе шабуылында 100 адамның қаза тапқаны, көптеген адамның жараланғаны хабарланды.