Түркия НАТО Бейбітшілік күштері қолбасшылығын алды

Косоводағы НАТО Бейбітшілік күштері қолбасшылығы 24 жылдан кейін алғаш рет ел астанасы Приштинадағы "Film City KFOR" штаб-пәтерінде ұйымдастырылған рәсіммен Түркияға 1 жылдық уақытпен өткізілді.

Италия мен Түркияның мемлекеттік әнұрандарының ойналуымен басталған рәсімде сөз сөйлеген "JFC" Наполи қолбасшысы адмирал Стюарт Мунк Косоводағы НАТО Бейбітшілік күштері бөлімшелерінің өткен жылғы қызметі туралы ақпарат берді.

Мунктің сөзінен кейін итальяндық генерал-майор Анджело Мишель Ристучиа НАТО туын НАТО Бейбітшілік күштерінің жаңа қолбасшысы генерал-майор Өзкан Улуташқа тапсырды.

Улуташ сөзінде түрік әскерлерінің 1999 жылдан бері Косовода бейбітшілік пен тұрақтылықты сақтау үшін жұмыс істегенін айтты.

Улуташ НАТО Бейбітшілік күштері қолбасшылығының 24 жылдан кейін түрік әскерлеріне берілуімен осы уақытқа дейін жасағандары сияқты Косовода бейбітшілік пен тыныштық орнату үшін күш салатындарын және ешбір айырмашылық жасамай, Косово халқының тыныштығы үшін жұмыс істейтіндерін білдірді.

27 елден 4500-ге жуық әскери қызметкері бар Біріккен Ұлттар Ұйымының құзырында жұмыс істейтін НАТО Бейбітшілік күштері аймақта бейбітшілік пен тұрақтылықты орнатуға бағытталған кең ауқымды халықаралық күш-жігерді қолдауға қызмет етеді.