Хакан Фидан Анкарадағы лаңкестік шабуыл жайлы мәлімдеме жасады
Хакан Фидан PKK/YPG-лік террористтердің Сириядан келгенін мәлімдеді.
Сыртқы істер министрі Хакан Фидан жексенбі күні ел астанасы Анкарада Ішкі істер министрлігі алдында жасалған бомбалы шабуыл әрекетінде залалсыздандырылған бөлшектеуші ұйым PKK/YPG-лік террористтердің Сириядан келгенін мәлімдеді.
Министр Фидан Солтүстік Кипр Түрік Республикасының Сыртқы істер министрі Тахсин Эртуғрулоғлумен ортақ баспасөз мәслихатында сөз сөйледі.
Түркияның террормен күресудегі ұстанымының анық екенін түсіндірген Фидан «Осы соңғы оқиғадан кейін (Анкарадағы шабуыл) екі террористтің Сириядан келгені белгілі болды. Ирак пен Сириядағы PKK және YPG-ге тиесілі барлық инфрақұрылым, қондырма және энергетика нысандары енді қауіпсіздік күштеріміздің, Ұлттық барлау ұйымымыздың және қарулы күштеріміздің толық бақылауында болады» деді.
Сыртқы істер министрі Хакан Фидан Түрік Қарулы Күштерінің лаңкестік әрекетке қатал тойтарыс беретінін және бөлшектеуші террор ұйымы PKK/YPG-нің бұл шабуылды жасағанына өкінетінін айтты.
Ұқсас жаңалықтар
Газада 35 мың 647 адам қаза тапты
Израиль армиясының Газа секторына жасаған шабуылдарында қаза тапқандар саны 35 мың 647-ге артты.
Нуман Куртулмуш черкестердің қуғынға ұшырауына байланысты мәлімдеме жасады
Нуман Куртулмуш черкестердің қуғынға ұшырауының 160 жылдығына орай еске алу хабарлама жариялады.