Ердоған Ливия көшбасшысы Менфиге көңіл айтты

Президент Режеп Тайып Ердоған су тасқынынан зардап шеккен Ливия Президенттік кеңесінің төрағасы Мұхаммед әл-Менфимен телефон арқылы сөйлесті.

Президент Ердоған әңгімеде Ливиядағы тасқын апатына байланысты Мұхаммед әл-Менфиге көңіл айтты.

Ердоған Түркияның апатқа қарсы күресте дос және бауырлас Ливия халқының әрқашан жанында екенін және көмектердің жалғасатынын білдірді.

Елдегі дауыл және тоқтаусыз жаңбыр  салдарынан сел жүрді. Сел апатынан мыңдаған адам қаза тапқан еді.