Бодрумда 79 босқын құтқарылды

Мугланың Бодрум ауданында Грекия тарапынан кері қайтарылған 79 заңсыз босқынды Жағалау қауіпсіздік тобы құтқарды.

Жағалау қауіпсіздік қолбасшылығының мәлімдемесіне қарағанда, Бодрум су айдынында желкенді қайықта бір топ босқын бар екені жөнінде ақпарат алды. Аймаққа Жағалау қауіпсіздік қайығы жіберілді.

Жағалау қауіпсіздік тобы үрлемелі қайықтағы заңсыз 79  босқынды құтқарып, құрлыққа шығарды.

Босқындар тексеруден өткеннен кейін Уәлаят миграция (Көші-қон) басқармасына жолданды.