Ердоғаннан терроризммен күресте табандылық хабарламасы
Президент Битлистегі виадук пен қосылыс жолдарының ашылу салтанатына онлайн түрде қатысты.
Президент Режеп Тайып Ердоған террор ұйымдарын қолдайтындарға наразылық көрсетіп «Әлі де біреулер шекарамызды бұзып, тіпті террористік ұйымдарды бізге қарсы қою арқылы ескі күндерін жаңғыртуды көздесе де, енді бұл мүмкін емес» деді.
Президент Ердоған Анкарадағы Президенттік сарайдан Битлис ағынының үстіндегі виадук пен қосылыс жолдарының ашылу салтанатына онлайн түрде қатысты.
Ердоған «Қаламыздан лаңкестіктің (Битлис) көлеңкесін алып тастау арқылы қауіпсіздік пен тыныштық орнатқандай, инфрақұрылымдық инвестициялар арқылы да даму мақсаттарына кедергілерді жойдық» деді.
Түркиядағы сияқты Битлистің күн тәртібінің енді дамыған өндіріс және жақсарған салауатты өмір деңгейінің қалыптасатынын атап көрсеткен Ердоған «біреулер шекарамызды бұзып, тіпті террористік ұйымдарды бізге қарсы қою арқылы ескі күндерін жаңғыртуды көздесе де, енді бұл мүмкін емес. Халқымыз ұшыраған шығын мен қасіретті ешқашан ұмытпайды, террор жақтаушыларына жол берілмейді» деді.
Ердоған «Соңғы 20 жылда елімізге әкелген демократия мен даму инфрақұрылымын үлкен серпілістердің бастау көзіне айналдыру үшін «Түркия ғасырын» бастап жатырмыз» деді.
Президент «Осы елдің уақытын, күшін жылдар бойы жасанды ұрыс-керіс және дау-дамаймен ысырап еткендерге қарамай, туынды мен қызметтердің шыңын көтеріп келеміз. Саяси, дипломатиялық және қауіпсіздік жетістіктерімен қатар инвестиция, жұмыспен қамту және экспорт арқылы өсірген елімізді түрік ғасырымен бірге шыңға шығаруға бел байладық» деді.
