Ердоған Гвинея-Бисау президентімен сөйлесті
Екі басшы Түркия-Гвинея-Бисау қарым-қатынастарын жақсартуға бағытталған қадамдар мен аймақтық мәселелерді талқылады.
1900495
Президент Режеп Тайып Ердоған Гвинея-Бисау президенті Умаро Сиссоко Эмбаломен телефон арқылы сөйлесті.
Телефондағы әңгімеде Түркия-Гвинея-Бисау қарым-қатынастарын жақсартуға бағытталған қадамдар мен аймақтық мәселелер талқыланды.
Кездесу барысында екі ел басшылары әскери және қорғаныс өнеркәсібі, сондай-ақ сауда-экономикалық қарым-қатынастар саласындағы ынтымақтастықты дамытуға келісті.
Кездесуде президент Ердоған Түркияның «Маариф» қоры Гвинея-Бисауда салатын мектеп үшін жер бөлінгеніне қуанышты екендіктерін білдірді.
Президент Ердоған Батыс Африка елдері Экономикалық қоғамдастығының кезекті төрағасы Гвинея-Бисау президенті Эмбалоның аймақта тұрақтылық пен бейбітшілік орнату жолындағы талпыныстарын ризашылықпен қолдайтынын тілге тиек етті.