Ұлттық Қорғаныс министрі украин әріптесімен телефонда сөйлесті

Ұлттық қорғаныс министрі Хулуси Акар Украина қорғаныс министрі Алексей Резников және Украина Инфрақұрылым министрі Александр Кубраковпен телефон арқылы сөйлесті.

ТР Ұлттық Қорғаныс министрлігі жасаған мәлімдемеге қарағанда әңгіме барысында дәнді дақылтасымалдау дайындығына байланысты Стамбулдағы Біріккен үйлестіру орталығында атқарылып жатқан іс-шараларға қатысты соңғы жағдай туралы пікір алмасылды.

Әңгіме барысында министрлер техникалық жұмыстардың аяқталғанын атап, әкімшілік дайындықтан кейін жүк жөнелту жұмыстарын тезірек бастаудың жоспарланып отыруы мен Біріккен үйлестіру орталығы қызметкерлерінің ынтымақтасып жұмыс істеп жатқанына ризашылықтарын білдірді.