Әйел террорист залалсыздандырылды
PKK-ның «Берфин Нурхак» лақапты террорист Ханым Демир Ұлттық барлау ұйымы тарапынан залалсыздандырылды.
Ұлттық барлау ұйымының (ҰБҰ) Ирактың солтүстігіндегі операциясымен бөлшектеуші террор ұйымы PKK-ның жоғары лауазымды жауапкері залалсыздандырылды.
Ұлттық барлау ұйымы Ирактың солтүстігінде PKK террор ұйымының қарулы әрекеттерін басқаратын PKK-HPG кеңесі мүшесі және әйелдер құрылымы «YJA-STAR»-дың жетекшілерінен «Берфин Нурхак» лақапты Ханым Демирдің ізіне түсті.
Ұйымның кадрларымен өтетін жиналыс орнының анықталуының артынан Демирге қарсы операция үшін шара қолданылды. Демир және қасындағы PKK-лықтар Ирактың солтүстігіндегі Гарада залалсыздандырылды.
Террорист Демирдің 1990-шы жылдары террор ұйымы PKK-ға қосылғаны және қауіпсіздік күштеріне қарсы ұйымдастырылған көптеген әрекеттің жоспарлаушылары арасында болғаны анықталды.
Ұйымдағы террорлық әрекеттерін Синджар мен Гарада жүзеге асырған Демирдің ұйым кадрларына идеологиялық үгіт-насихат жүргізіп, қарулы дайындық жасағаны анықталды.
Террорист Демирдің ҰБҰ-ның 2021 жылы «Софи Нуреттин» лақапты террорист Халеф әл-Мұхаммедті залалсыздандырғаннан кейін ұйым тарапынан оның орнына тағайындалғаны білдірілді.
