Энергия секторындағы серіктестіктер жалғасады

Вице-президент Фуат Октай Еуразияда, әсіресе Түрік Мемлекеттері Ұйымы елдерімен құрған ынтымақтастығы пайдаға емес, бауырластық байланыстарға негізделгенін, энергетика саласында осы санамен жұмысты жалғастыратындарын білдірді.

Октай Түркияның энергетикалық стратегиялар мен саясаттарды зерттеу орталығы (TESPAM) онлайн режимінде ұйымдастырған 2-ші Халықаралық Түрік Энергия Одағы Конгресіне бейне хабарлама жолдады.

Октай әлемдегі энергия келіспеушіліктері және артқан бағаның барлық жаһандық теңгерімдерге қалай әсер еткенін назарға алғанда, Еуразияның геостратегиялық маңызының түсінікті болатынын білдірді.

Ол Әзербайжанмен жүзеге асырылған Баку-Тбилиси-Ерзурум, Баку-Тбилиси-Джейхан және ТАНАП секілді ірі жобалардың тек екі елдің ғана емес,  аймақтың және Еуропаның энергия жеткізу қауіпсіздігіне маңызды үлес екенін атап көрсетті. Октай Әзербайжанмен жақын уақытқа дейін көміртек негізінде жылжыған ынтымақтастықты жаңаланатын энергия саласына да көшіргендерін баяндады.

Түркия мен Өзбекстан арасындағы ынтымақтастық шеңберінде Өзбекстанда халықаралық стандарттарда бір кен анализ лабораториясын салғандарын білдірген вице-президент осы елдегі энергия ынтымақтастықтарын жаңа салада жалғастыратындарын да айтты. Ол алдымыздағы кезеңде Түркия мен Қазақстанның компаниялары арасында серіктестік басталатынын да білдірді. Қырғызстанмен де кен саласында және жаңаланатын энергия секторында тәжірибе алмасу істері жалғасып жатқанын атап көрсетті.

«Үкіметтер арасы экономикалық комиссия тең төрағасы қызметін атқаратын бауырлас елдер-Қазақстан, Өзбекстан, Түрікменстан және Әзербайжанмен энергия жобаларын өзім жақыннан қадағалап отырмын.  Түрік Мемлекеттер Ұйымына мүше елдер бастаған Еуразиядағы серіктестік пайданы мақсат етпейді.  Бауырластық байланыстарына негізделеді» деді ол.