Түркия Басрадағы террор шабулын айыптады

Түркия Ирактың Басра қаласында жасалған террор шабуылын айыптады.

Сыртқы істер министрлігі Ирактың Басра қаласында жарылғыш тиелген мотоциклмен жасалған террор шабуылын қатаң түрде айыптағанын мәлімдеді.

Мәлімдемеде шабуылда көптеген адамның қаза тауып жарақат алғаны аталып «Бұл опасыз лаңкестік шабуылды айыптаймыз. Шабуылда қаза тапқандарға Алланың рақымын және жараланғандардың тезірек сауығып кетуін тілей отырып, дос әрі бауырлас Ирак халқы мен үкіметіне көңіл айтамыз. Түркия қайдан пайда болғанына қарамастан Ирак халқы мен үкіметінің террормен күресіне қолдауын жалғастырады» делінді.