Жылдық жұмысын қорытындылады

ҚР Парламенті мәжілісінің төрағасы Ерлан Қошанов жылды қорытындылады.

Жалпы Парламент Мәжілісі сессия басталғалы 36 заң қабылдап, Сенатқа жіберген. Оның 26-на Президент қол қойды. Барлығы 106 заң жобасы палата жұмысында қаралған.

Бұл туралы Мәжілістің жылдық жұмысын қорытындылаған Ерлан Қошанов білдірді. «Жалпы өтіп бара жатқан жыл Қазақстан Парламентінің жаңару кезеңі болды. Көктемгі сайлау қорытындысы бойынша, депутаттар құрамы айтарлықтай жаңарды. Мәжіліске алты саяси партия мен бірмандатты округтерден сайланған депутаттар келді. Бүгінде төменгі палата түрлі көзқарас пен саяси пікірлер тоғысқан алаңға айналды» деді Қошанов.