Әзербайжан мен Армения арасында келісім
Ресей премьер-министрінің орынбасары Алексей Оверчук мәлімдеме жасады.
Әзербайжан мен Армения Әзербайжанның батыс қалалары мен Нахчыван автономиялық республикасын байланыстыратын темір жол желісін қайта құру туралы жалпы келісімге келді.
Ресей премьер-министрінің орынбасары Алексей Оверчук, Әзербайжан вице-премьері Шахин Мұстафаев және Армения премьер-министрінің орынбасары Мгер Григорян Әзербайжан мен Армения арасындағы көлік желілерінің қайта құрылуына байланысты мәселелерді талқылау үшін Ресейдің бас қаласы Мәскеуде бас қосты.
Оверчук баспасөзге жасаған мәлімдемесінде сындарлы кездесу өткізгендерін білдірді.
Жиналыста көлік байланыстарының ашылуы тақырыбында айтарлықтай ілгерілеу болғанын атап көрсеткен Оверчук «Әсіресе Араздейен (Ерасх)-Джульфа-Мехри-Хорадиз бағытындағы теміржол қатынасын қалпына келтіру және ұйымдастырылуы үшін нақты қадамдарды жүзеге асыру туралы жалпы келісімге қол жеткізілді» деді.
Кеңес Одағы кезінде болған Араздейен (Ерасх)-Джульфа-Мехри-Хорадиз теміржол желісі Арменияның Әзербайжан жерлерін басып алуына байланысты жойылды.
2-ші Қарабах соғысынан (2020) кейін Ресей, Әзербайжан және Армения басшылары қол қойған үшжақты декларацияда бұрынғы көлік желілерінің қайта ашылуы туралы бап орын алған болатын.
