Үркін ескерткіші және Айтматов зиратына барды
ТүрікПа пленарлық сессиясына қатысушылар Бішкекте Үркін көтерілісі құрбандарына орнатылған ескерткішке барды.
Түркітілдес мемлекеттер парламенттер ассамблеясы ТүрікПа-ға мүше елдердің мәжіліс басшылары ТүрікПа-ның кезекті пленарлық сессиясы қарсаңында Бішкекте Үркін көтерілісі ескерткіші мен қырғыз жазушы Шыңғыс Айтматовтың зиратына барды.
ТүрікПа жиналысы үшін Қырғызстанға барған Түркия Ұлы Ұлттық Мәжілісінің төрағасы Исмаил Кахраман, Әзірбайжан Ұлттық мәжілісінің төрағасы Октай Есадов, ҚР Парламенті Мәжілісінің вице-спикері Гүлмира Исимбаева, Венгрия Мәжіліс басшысының орынбасары Иштван Жакаб, Өзбекстан Мәжіліс басшысының орынбасары Нариман Умаров, Қырғызстан Мәжілісінің басшысы Дастанбек Жұмабеков алдымен 1916 жылы патшалық Ресей тарапынан өлтірілген қырғыздар үшін тұрғызылған Үркін ескерткішіне гүл шоқтарын қалдырды.
ТүрікПа-ға мүше елдердің мәжіліс басшылары мен делегациясы артынан 1938 жылы Кеңес Одағы кезінде өлтірілген 137 зиялының рухына орнатылған ескерткішке барды. Делегацияның соңғы аялдамасы атақты қырғыз жазушы Шыңғыс Айтматовтың зираты болды. ТүрікПа делегациясы Айтматовтың зиратында дұға оқыды.
