Анталияда фильм түсіреді

Анталияда режиссер Гай Ричидің «The Ministry Of Ungentlemanly Warfare» фильмінің түсірілімі басталды.

Соңғы рет Анталияда «Байлық операциясы» фильмін түсірген британдық режиссер Ричи қаладағы екінші фильмін бастады.

Голливуд фильмнің түсірілімі EXPO 2016 ботаникалық саябағында, сонымен бірге Демре, Мұратпаша, Ибрады, Коньяалты, Кемер, Аксеки, Серік аудандарында болады. Финике, Алания, Дөшемеалты және Манавгатта да түсіріледі.  Түсірілім сәуір айына дейін жалғасады.

Фильмнің сценарийін Пол Тамаси мен Дэмиен Льюис жазды.

Екінші дүниежүзілік соғыс кезіндегі оқиғалар туралы фильмде ағылшын актер Генри Кавилл мен мексикалық актер және әнші Эйза Гонсалес басты рөлдерді сомдайды.